Dhuna

(vetëm disa aspekte)

Kuvendi i Republikës, Netflixi, Big Brother etj. janë frymëzime, por burimi është familja.

Ne e kemi vërejtur nga përvoja, që kur dikush është i dhunshëm, thuajse krejt familja është e dhunshme. Nga ana tjetër, kur dikush është paqësor, thuajse krejt familja është paqësore. Tek-tuk ka ndonjë përjashtim, por zakonisht është kështu.

Diçka, që sjell dhunë, është edhe mosrespektimi dhe nënçmimi i ndërsjellë.

„Çdo njeri ka të drejtë të vendosë për veten, përderisa nuk të përfshin ty drejtpërdrejt në atë vendim. Ti nuk përpiqesh assesi të ndikosh në vendimin i tij.„

Ky është RESPEKTI (pjesa më delikate e tij, ngase kemi edhe pjesën e respektit ndaj autoritetit, siç është ndaj prindit, mësuesit, drejtorit etj… si autoritet ligjor mbi ty).

4 RASTE më EKSTREME, do të mundohem ti sqaroj:

1. Çka nëse fëmija im vendos të pijë duhan? Duhet ta respektoj edhe këtu?

PO, duhet t’ia respektosh vendimin e tij, nëse autoriteti ligjor i yti si prind nuk është më i aplikueshëm (deri fëmija të bëhet 18 vjeç) dhe nëse vetë e fiton paranë për duhan, përndryshe mund t’ia ndalosh nën 18 vjeçarit (pas shumë bisedave sqaruese), ose të mos ia paguash mbi 18 vjeçarit.

Kujdes të madh këtu, ngase ndalesa mund të shkaktoje probleme tjera, si p.sh. pirja tinëz, që bëhet nëpër vende të fshehura ku mund të shkaktohet edhe ndonjë zjarr vënie.

Ndalesa e dhunshme nuk duhet bërë kurrsesi. Duhet bërë përpjekje maksimale, që fëmija të bindet për dëmet që duhani shkakton, me shembuj konkret nga rrethi (nëse ka).

2. Çka, nëse fëmija im vendos që të marrë drogë? Duhet t’ia respektoj vendimin?

PO, sikur te duhani. Meqë drogën nuk e merr një njeri normal i vetëdijshëm, këtu duhet ndërmarrë masa, duhet kërkuar ndihmën profesionale të psikologëve specialistë, që merren me raste të tilla. Sa më herët, aq më mirë. Rasti të fshihet nuk bën kurrsesi, as nga policia jo. Në fillim pasojat janë gjithsesi shumë më të vogla.

Gjithkush mund të mashtrohet ose të gabojë.

3. Çka nëse gruaja ime (burri im) vendos të ndahet, sepse nuk po i pëlqej më? Duhet ta respektoj (t’ia pranoj vendimin)?

PO, gjithesi duhet ta respektosh dhe të ndaheni miqësisht, në mënyrë që sidomos te fëmijët të mos shkaktoni trauma.

Dashuria dhe bashkëjetesa nuk shkojnë me zor.

4. A bën ti them dikujt „Po të isha unë ti, do të veproja ndryshe, gjithsesi më mirë se ti.“

JO, kurrsesi. Secili di më mirë për vetveten sesa që dikush tjetër di për atë. Vendimi i tij është i tij. Ai ty, me atë vendim, nuk të ka përfshirë drejtpërdrejt, nuk ty hyn pra në punë fare dhe gjithsesi veprimi yt nuk është e thënë të jetë më i mirë, ngase nuk i ke të gjitha informacionet që i kishte ai mbi rastin konkret. Andaj respektoje!

Pra këto gjëra i mungojnë SHUMË shoqërisë sonë, prandaj edhe ka dhunë.

STOP DHUNËS!!!

F.P.

Pro Bashkimit

„Shtri këmbët aq sa e ke jorganin“ (pop.)

Po, por nëse nuk i shtrinë këmbët me tepër se sa e ke jorganin, nuk do të blesh kurrë jorgan më të madh, që të flesh rehat, por do të mbetesh me jorgan të vogël dhe pa gjumë të qetë, i strukur gjithë kohën.

Neve po na duhet pashmangshëm, patjetër, medoemos një „jorgan më i madh“ e ai është NJE SHTET GJITHSHQIPTAR (siç u shpall me 1912)

Vetëm atëherë do të flemë gjerë e gjatë dhe rahat. 😊

Pro Bashkimit Shqiperi Kosovë

USA (s‘)është sërish shpëtimtarja

Kërkesa publike për largimin nga skena politike në Kosovë e të gjithë atyre, që kanë probleme me ligjin, nga ana e amerikanëve, është një e drejtë dhe një nevojë që po paraqitet dukshëm, por unë mendoj se është e gabuar qasja që këtë ta bëjnë vetë amerikanët apo ndërkombëtarët.

Nuk duhet harruar se BE-në e kemi këmbëkryq në të gjitha çështjet, që janë në proces, ndërsa USA ia pat lënë këtë punë asaj, që për mendimin tim ishte keq, pasi që BE ka disponim pro sllav (për çdo ditë unë e shoh dhe përjetoj këtë).
Lëvizjet e fundit diplomatike po tregojnë një qasje tjetër amerikane në lidhje me Kosovën dhe detyrat që ajo ia ka vënë vetes përpara. Kjo gjithësesi duhet shfrytëzuar.
Në të vërtetë jam paksa skeptik në ndërhyrjet nga jashtë për zgjidhjen e këtyre çështjeve dhe plotësimin e këtyre kërkesave. Kjo ngase na ka ndodhur shpesh që pikërisht të huajit janë ngatërruar në vepra korruptive…
Pa intelektualët dhe pa popullin, kemi pak gjasa për përmirësim. Momentalisht kemi gjendjen e një status quo-je, ku krimi i organizuar dhe shteti bashkëjetojnë në një lloj paqe të pashpallur.
Por kujdes këtu, sepse në aspektin afatgjatë kjo bashkëjetesë mund te shkaktojë krizë të pariparueshme vdekjeprurëse për shtetin e Kosovës.
Qeveria Kurti duhet mu këtu ta ketë fokusin fillestar të veprimit.

Për fund:

Pas fitores së L.VV ne zgjedhjet e 2019-ës, kjo gjendje e rëndë shoqërore kërkon intervenim gjithëpërfshirës popullor. Intelektualët, shoqëria civile, sindikatat dhe çdo organizim jashtpolitik duhet përveshur mëngët në luftimin e krimit të organizuar, korrupsionit, nepotizmit, etj… e jo vetëm të pritet që këtë luftë ta ngadhënjejë qeveria si e vetme. Shansin më të madh se sot nuk e kemi pasur kurrë.

Përndryshe lajmet mbi pasurimin e kriminelëve dhe ato mbi talljet me popullin lidhur me integrimet euroatlantike, liberalizim të vizave etj. do të zgjasin deri sa Kosova të „dalë nga përdorimi teknik“.
Ose ajo do të futet në një „kontroll teknik të ri“ nën mbikëqyrjen e një „tekniku“ tjetër, që në këtë rast „tekniku“ Serbi mezi po pret.
F.P.